   Азиз мусулмон биродар! Замон ривожи билан фан-техника ҳам кундан-кунга такомиллашиб бормоқда. Китоб ўқишга эринганлар интернетдан маълумот излашмоқда. Вақтини "кўнгилдагидек", "самарали" ўтказиш учун ёшларнинг бир неча соатлари интернет кафеларда, "компьютер хизматлари"да ўтмоқда. Кимдир ҳар куни, (балки бундан ҳам қисқа вақтда) электрон почтасини назорат қилиб туради. Компьютернинг беминнат хизматидан айрилмайди.
   Буни бир тааммул ва тафаккур қилиб кўрайлик. Бизга охират саотдатини қозониш, Роббимизнинг розилигини олиш учун бир кунда қанча соат ва имконият берилган? 24 соат. Ҳар кун сабрсизлик билан кутмоқдасизки “Менга e-mail келдими? дея ва бир кунда бир неча марта online бўлмоқдасиз... Хурсанд бўласиз, “Битта mailингиз бор” ёзуви чиққанда. Уни ўқимагунча сабр-тоқатингиз чидамайди. Баъзи мактублар ҳақиқатан ҳам арзигулик: дўстларингиздан, яқинларингиздан... аммо аксарияти беҳуда, сиз учун аҳамияти йўқ... сизга алоқаси бўлмаган мактублар... Вақтингизни олгани қолади холос. Дарҳол ўчириб ташлайсиз.
   Биласизми, қарийб 1400 йил аввал Аллоҳ сизга узун бир e-mail юборган эди. Фариштаси Жаброил алайҳиссалом воситасида албатта. Элчиси, қули Муҳаммад соллаллоҳу алайҳи васаллам орқали forward қилиб... Очдингизми бу e-mailни?
Subject: Қуръон, “Хавотирга солмаган раҳбар”.
Download қилдингизми бу файлни? Қалбингизга “bookmark”ладингизми? Ҳаётингизнинг “тез-тез фойдаланиладиганлар”ига қўшиб қўйдингизми? Ҳар тонгингизнинг “бошланғич саҳифаси” қилдингизми? Бу e-mailни очган бўлсангиз, ҳаммасини ўқиган бўлишингиз керак... Юборилган элчиларнинг қиссаларини... Ҳалок бўлган қавмларнинг ҳикояларини... Инсониятга мактубларини... Кунлик ҳаётингизнинг раҳбарини... Келажакка доир чиройли хабарларни, хушхабарларни... Аллоҳнинг сиздан “reply” кутаётганини... E-mail сифатида солиҳ амал кутаётганини.
   Энди ҳар тонг турганингзида бу e-mailни ўқинг. Қуръонда “save” қилинганидек, хотирага олинг ва унга кўра “reply” қилинг.
   Охират ҳаётингизнинг келажагига “enter”ланг...