Ҳар бир даврнинг ўзига яраша шарт-шароит, имкониятлари бор. Асри Саодат даврида ҳам. Ўша кун мусулмонлари ҳам илк Ислом тамсилчи - намоёндалари эдилар. Ва бу динни ўзларидан кейингилар учун жуда хассослик билан етказишлари, жуда маҳкам ушлашлари, собитқадам бўлишлари... каби оғир шартлар бор эди. Аллоҳ Расули ҳам уларни доим жаннат, Аллоҳ ризоси, олий мартабалар билан башорат берар, уларни динларини маҳкам ушлашга ташвиқ қилиб турар эдилар. Оз бўлсалар ҳам қалбларидаги иймон нури нурафшонлиги, иймон кучи билан ўзларидан бир неча баробар ортиқ кучларга бардош бериб, ҳатто уларни мағлуб қилганлар. Мана шундай ғолиблик нашидасини сурган жанглардан бири Бадр жанги. Бу жанг тарихи бирчамизга маълум. Бадрда қатнашганларнинг ҳам фазилатлари бошқалардан кўра юқори туради.
Хўш нима учун Асҳоби Бадрнинг фазилатлари устун. Бу устун фазилатли бўлишнинг сабаби нимада?
Савол: Асҳоби Бадрнинг фазилатлари нималар?
Жавоб:
1. Асҳоби Бадр умуман уруш деган нарса билинмаган бир даврда уруш қилганлар.
2. Бу хусусда ота-оналарининг қаршиликларига қулоқ солмаганлар, эътибор бермаганлар .
3. Бадрга уруш учун эмас, Суриядан келаётган Қурайш карвонини таъқиб қилиш учун чиққан эдилар. Бирданига уруш қилишга тўғри келиб қолгач бундан чекинмаганлар.
Ўлимга севина-севина қарши чиққанлар, натижада шундай олий мақомга эришдиларки, бу уларни энг олий қадр-қиймат, даражага етказди. Аллоҳ ҳам уларга шу нисбатда юзланди.
Аммо масалани урушнинг қийинлиги ва мушкуллиги жиҳатидан эътиборга оладиган бўлсак, Ярмук, Хандақ воқеалари янада шиддатли бўлган эди.